Nova intervención no marco do contrato de iluminación do Concello de Santiago. Os operarios completaron os traballos de retirada das antigas bases de formigón sen uso actualmente identificadas na rúa Agra dos Mozos.
A intervención inclúe a verificación e garantía de que non existen instalacións de alumeado público con risco de contacto eléctrico para as persoas. Unha vez retiradas as bases, procederase á restauración completa do pavimento, devolvendo continuidade e bo estado á zona.
Esta actuación responde ás peticións trasladadas pola veciñanza e contribúe a mellorar a estética do espazo público, eliminando elementos en desuso e recuperando a harmonía da contorna.
O contrato de Ferrovial promove a mellora do alumeado público exterior mediante tecnoloxía eficiente e actuacións orientadas á seguridade e á optimización do servizo. A retirada destas bases inscríbese nun conxunto máis amplo de accións municipais que facilitan un espazo urbano máis ordenado, sostible e adaptado ás necesidades da poboación.