A substitución das lámpadas tradicionais por iluminación LED é unha das formas máis sinxelas e eficaces de reducir o consumo eléctrico tamén no fogar. Este cambio permite diminuír entre un 70% e un 85% o consumo destinado á iluminación respecto ás bombillas incandescentes ou haloxenas, mantendo o mesmo nivel de luz.
Na práctica, unha lámpada incandescente de 60 W pode substituírse por unha LED de arredor de 10 W, o que supón un aforro anual duns 55 kW/h por punto de luz. Cos prezos actuais da electricidade, isto tradúcese en aproximadamente 10 euros de aforro ao ano por bombilla, que se incrementa de forma notable en vivendas con varios puntos de luz.
Ademais do aforro enerxético, as lámpadas LED duran moito máis tempo, polo que reducen a necesidade de reposición e os custos asociados.
Por tanto, pasar das lámpadas tradicionais ás LED supón un investimento inicial reducido e recupérase en poucos meses, mesmo en fogares pequenos. Por todo isto, o cambio a LED constitúe unha medida rendible, inmediata e sostible que permite aforrar enerxía e reducir a factura eléctrica de maneira continuada no tempo.